traverseda de schi alpinism de 3 dis
da Saas Fee a Zermatt tla Elpes dl Wallis tla Svizra
(Allalinhorn 4.027 m, Alphubel 4.206 m y Rimpfischhorn 4.199 m)
dai 24. – ai 26.04.09

Acumpaniei dai doi Mëinacrep Markus Kostner y Moritz Peristi son piei via n venerdì daduman abeneura cun na curiera nchin a Saas Fee (1.792 m), n pitl luech turistic tla Svizra. Ntan l viac ons abù scialdi asnibla y plueia y ruei tla Sviza fova l temp mesanmenter bel. Perchel ons teut la decision de tlamé mo nzaul a marenda te n albierch a Saas Fee per aspité sce la nibels che n udova su tla pizes plu autes, se trajessa demez cul vënt. Do avëi ciarciá la cësadafuech svizra, ons tëut la 3 furnadoies nchin pra l Mittelallalin (3.456 m). Ajache l Alalinhorn fova for mo tl nibl, ons aspità tl restaurant che raida sainson per udëi scel se trajessa mpo mo ora, ma ala fin ons messu zeder y furné ju pra la hutia da mont Längfluh (2.865 m) ulache on passá la prima nuët. 2 ëura massa tert se al trat ora y on pudù udëi la piza ulache assan ulù vester…

N sada sions levei cun l ciel tan che sarëin y duc ova n dre druch a pie via. Son muec bel abeneura dala huia per ji de viers dl Alphubeljoch y ruvé pona puech do sun la piza dl Alphubel (4.206 m – jita de zirca 1.200 m de dislivel suviër y 4 da rué sainsom). Saison nes aspitova n panorama da maruëia y ajache l se ova trat ora de fin y l ova lascià do l vent, ons pudù se goder la piza sciche se toca y fermé giut assé per duc da paussé, maië velch de bon y fe n valguna fotgrafies.
A furné ju nes aspitova n deslivel de 1.500 m cun de beliscima tëmples nchin pra la hutia da mont Täsch (2.701 m), ulache on durmì la segonda nuët.
Markus ie furná ju cun la pitla grupa per na templa dret ërta, n ntraunida che ti à a duc dret plaju. Sciot che te chesta ucajon se à Markus rot l schi, … massa forza!
Ajache l temp fova tan bel y ulan mo udëi miec y plu da daujin l Matterhorn à na pitla grupa mo n iëde metú su la peves per ji sun n pitl col, tlamà Feechopf, da ulache on abù chesc panorama da marueia:

 

L domesdì ons passà tla hutia Täsch; chiche ne ova nia dre durmì la nuët dant, à mpue paussà ti liec dret de lusso, autri à passà l temp cartan o liejan la zaites alpinistiches che fova sun hutia. La hutia fova dret moderna, ma l maië ne fova nia propi l mieur. Povester sons ënghe nëus tlo te Südtriol massa ben usei

Per la dumenia ne fovel nia udù dant massa bel temp, ma do chesc bel dì ans duc speranzes, che la pudessa se butè enghe mo duman.

Son levei mo plu abeneura y piei via mo de scur de viers dl Feechopf. Sul programm fova de fe l Rimpfischhorn (4.199 m). L sbulifova mpuech y udan che al autra trajovel bendebo n vent. Ie fove segura che chesc fova na bona, ajache nscila essa l vent povester teut y jit la nibles. Ma la ne á nia ulù vester y do zirca mesa streda, ons messu de ëuta. Massa da vent y la pizes dut t n nibl. Jì baiter ne essa nia abù gran bert, per aspité fovel massa da vënt y freit.  Son perchel furnei ju a Täsch (zirca 1.500 m de dislivel), ulache univa inò a nes to la curiera per furné de reviers te Gherdëina.

Da sëira sons mo tlamei a Nago te n ristorante dret cunesciù a maië n bon pesc y vizie inò mpue nosc magon.

Enghe sce cul temp ne ala nia dre butá y on me pudù fe na piza y mesa de la 3 che se an tëut dant, iel stat de biei 3 dis. Y per l beliscimo dì che son ruei sun la piza plu auta, se á bel paià l viac lonch.
De gra à Mirco per se avëi cruzià dl urganisazion dla jita y a Markus y Moritz per nes avëi menà segures chisc 3 dis.

Y po’… Ala proscima!